Obxectivos xerais

– Proporcionar información que facilite unha xestión integral e eficiente dos recursos marisqueros en leitos intermareales de Zostera nun contexto de cambio climático no que os eventos extremos serán máis frecuentes e intensos.

Objxectivos específicos

– Avaliar a función de criadeiro e o papel de distintos tipos de leitos de Zostera como hábitat de individuos adultos reproductores.

– Avaliar as respostas ecofisiolóxicas recíprocas entre ameixas e plantas de Zostera ante eventos extremos.

– Utilizar diferentes técnicas de modelado para avaliar o papel dos leitos intermareais de Zostera no mantemento de poboacións de ameixas considerando eventos extremos.

– Estimar o valor económico dos diferentes leitos de pastos mariños segundo a súa función como criadeiro e/ou hábitat de especímenes adultos e a súa capacidade para amortiguar as condicións ambientais adversas derivadas de eventos extremos.

O proxecto ZEUS contempla diferentes accións relacionadas con cada un dos obxectivos marcados:

– Mapear os leitos de pastos mariños intermareales e estimar a complexidade dos mesmos.

– Avaliar as densidades, estado reprodutivo e tamaño das ameixas en leitos mariños intermareais de diferente complexidade.

– Estudar os efectos da baixa salinidade nas interaccións entre ameixas e a Zostera.

– Analizar os efectos das vagas de calor na interacción entre ameixas e Zostera.

– Establecer os efectos a longo prazo da baixa salinidade e o estrés por vagas de calor en ameixas xuvenís en leitos de Zostera de diferente complexidade.

– Estimar o valor económico dos diferentes leitos de pastos mariños segundo a súa función como criadeiro e/ou hábitar de organismos adultos e a súa capacidade para amortecer condicións ambientais adversas derivadas de eventos extremos.

– Difundir e concienciar á sociedade sobre a importancia ecolóxica e económica dos leitos intermareais de Zostera.

O proxecto, desenvolvido polo grupo de investigación en Ecoloxía Costeira da Universidade de Vigo, ten un enfoque transdisciplinario que inclúe socios e colaboradores que combinan unha ampla experiencia en modelado ecolóxico, especies invasoras e bioloxía de invertebrados, ecoloxía de comunidades bentónicas, genómica e proteonómica, ecoloxía larvaria e ecofisioloxía de organismos intermareais, así como impactos socioeconómicos do cambio climático na pesca.

Colabórase ademais con técnicos en xestión de marisquerías de tres confrarías de pescadores e con investigadores da Universidade de Vigo, da Universidad Rey Juan Carlos e da Universidad de Carolina del Sur.